Munini wa rais Rigathi Gachagua nionanitie wigusano uria wacainirwe ni atongoria aria mari kiamari kia Kenya Kwanza agitetera niundu wa kumenererua ni mbunge niundu wa kwenderera ruriri rumwe.
Akiaria na andiki a movoro muthenya wa igoro kivwai, Gachagua augite niatonyereretwe niundu wa gutumira kiugo ‘anyiti itemi’ varia rais William Ruto etikirire wigusano ta ucio mbere ya athuritwe.
Gachagua athithurite akauga thini wa wigusano ucio, Spika wa mbunge Moses Wetangula na munene wa maminista Musalia Mudavadi nimegucanira kuvewa iti ciao guku makireta kuura gicunji kia 70 vari igana kuuma mwena wa Ithuiro. Wauguo ciama cia ANC na FORD Kenya ciari ivewe gicunji kia 30 vari igana ya iturwa thirikariri nene.
Gachagua niugite miena ngurani niyeririirwe gicunji thirikariri na atongoria a ciama iria ithondekete muungano wa Kenya kwanza makiuga magairwe geki ya Kenya kwanza.
Kiugo giki ‘anyiti itemi’, kiria munini wa rais atumirite maita ngurani ni imwe ya itumi iria iratuma ambunge mendekithie aume oviciri.
Mbica irutitwo online
–Perpetual Mwende–
