Kambuni ya utambia wa manji niyo Ewasco niikoretwe ikivecana umenyo kuri andu aria ivecaga utungata wa manji kiumiari guku ngunguiro cia Customer Care week ikithii mambere. Njumatatu mambiririe na tauni ya Kiritiri, njumaine makithii mwena wa Muraru, umunthi mari tauniri ya Embu kuria nikuo mekaro manene ma kambuni ino na njumaa magakorwa mwena wa Ena.
Eng Kamuruana niutariritie mathina maria makoretwe makivitukira ma wyii wa metre, gwiikirira manji mugaru na mitaratara ya kambuni ino gatagatiri ka mengi .
Wauguo niuthathaurite uvoro wigii wagi wa manji thiini wa icigo imwe kavindari gaka ka thano guku akiuga nimaravinga manji kumwe niguo mavote gukinyira aria engi.
Kamuruana niucoketie kiuria kigii manji gukorwa mari na uceru mavinda mamwe akiuga ni ndawa marekira niguo gutigirira manji maao matiri na ugwati.
Kaari wa Mugendi
