Wakiri Nelson Havi niurutite maoni make na kuuga raisi William ruto avatie kuvunja bunge ya kivururi na kuthondeka ruvonge rwingi ruceru rwa kuthoedeka mawatho .
Thiini wa mwonere wake kuvagurua kwa munini wa raisi Rigathi Gachagua nikuthithurite wonje wa thirikari na undu uyu nwaukorwe ugituma mootungata matikavecanwe na njira iria yagirire .
Waringi Wakiri Havi augite bunge gukorwa ivagurite gachagua undu uyu niukuvutia uruti wira wa raisi William ruto guku agikanyiriria raisi akavatarika kwitheria niguo avote gwitikua ni akenya .
Wakiri Havi wauguo augite wanagukorwa raisi niarakorwa akiurua athengute giturwari ni mwagiriru gutongoria vururi na avatie gukorwa agitikirua avoreria maundu .
Ambunge muthenya wa igoro nimaravagurire gachagua varia ambunge 281 maretikirire kumuvagura nao ambunge 44 makiregana na undu uyu guku mubunge umwe ndanaikia kura.
Dereti ino ya kuvagura Rigathi Gachagua nicukumitwe kuri bunge ya senate .
Mbica irutitwo online
–Mwende wa Njiru-
