Wakiri wa maundu megii gatiba Prof. PLO Lumumba niugite rais William Ruto nike wii vuva wa ndereti iria irathii na mbere ya kuruta munini wake oviciri.
Akiaria muthenya wa igoro ari nyombari imwe ya movoro guku vururiri, Lumumba niwariritie ivenya riria ambunge maronekire mainario kuruta munini wa rais guku akiuga ni kionereria kia vinya munene uria ungikorwa tu umite kuri rais.
Niugite wana angikorwa rais Ruto timwariririu ndeto ino, muthemba uria mutaratara wa kuruta munini wake oviciri urekikire kuuma kiambiriria uronania ni wira wake ta mutongoria wa vinya vururiri.
Niathiite na mbere kuongorera gukira kwa rais nigukoretwe gwi kunene na ni kionereria ni muvecanu rutha rwa kuruta munini wake kuri ambunge.
Akiongerera nikuonekanite uria kimenyithia kia kuruta munini wa rais kiavecanirwe gitaigicerere na uguo muvango wa guocania mawoni ma mwingi wekikire na ivenya uria tiguo ukoretwe wi mutugo wa ambunge akiongerera yari niguo kuruta Gachagua oviciri.
Mbica irutitwo online
Perpetual Mwende
