Mumbunge wa Imenti Central Moses Kirima augite ambunge kuuma mwena wa Mt. Kenya East, nimeririte kunyita mbaru ndereti ya kubagura munini wa Raisi Rigathi Gachagua.
Kuringana na Kirima, ambunge aya maikirie kura guikio nja kwa Rigathi wa Gachagua mari na mwiboko minister wa ugitiri wa thiini Profesa Kithure Kindiki niekwamurwo gituruani kiu.
Kindiki aumite kaunty ya Tharaka Nithi kaunty iria iri gitaruini kia Mt Kenya East.
Kirima augite Kindiki niwe watongoretie bari kwamurwo gituruani kia munini wa Raisi nwati mutongoria wa bururi Dagitari William Samoei Ruto, agicagura Gachagua mugaru na wendi wa ambunge aingi a kiama kia UDA.
Mumbunge ucio wa Imenti Central ningi nioete mweke ucio kwendekithia Kindiki, guku akiuga niwe ubatii makiria kungitwika Gachagua niakabagurwo, itua riria ri mokoini ma mbunge ya senate na rubonge rwa magoti.
Mbica irutitwo online
–Muriithi Amos-
