Mbunge ya kibururi nicenjetie tariki cia gutabania dereti itiganite na njira ya kubanga cikaro cia mwanya jumaa ya kiumia giki, kuroria maundu ma hi na hi maria mabatii kwaririo.
Mubiuria wa musarisa wa aria aingi mbungeini ya kibururi Silvanus Osoro, augite ciikaro cia jumaa ikamurika maundu ma bata ta watho wa sukari nio Sugar Bill, watho wa mai nio Water Bill, oro undumwe na watho wa mutaratara wa mugaire wa mbeca nio Division of Revenue Bill, bamwe na maundu mangi ma bata mbere ya kuthii rutha.
Agitereba riendekithia riu Osoro, augite kwina maundu maingi magiriirwo kumurikwo mbungeini ino ya kibururi.
Ndeto makiria irauga itua riri ni njira imwe ya kwetha mabinda maria marorire, bindi ya gukunguira Mazingira Day,bamwe na ungania wa mawoni bari dereti ya kubagura munini wa Raisi Rigathi Gachagua.
Thutha dereti ino gutwarithio na mbere ni mbunge ya senate umuthi na ruciu, ambunge matanyitwo ningi kubuthira ciikaro icio gukindira uria agakorwo amuritwo gituruani kiu, dereti ya kumubagura ikibituka mbungeini ya Senate.
Mbica irutitwo online
–Muriithi Amos-
