Munini wa mutongoria wa kiama gia Safina Willis Otieno niagwetete mutaratara wa kubagurwo kwa munini wa Raisi Rigathi Gachagua ta mubango utarari wa uuma na waragania.
Willis akiaria umuthi augite masenators matinaneana mweke wa gwitetera kuri munini wa raisi wa tene Rigathi Gachagua na ithenyaini riu marathire na mbere na ndereti ya kumubagura.
Masenators nimarareganire na riendekithia ria kurugamia ciikaro cia gucirithia munini wa Raisi kinyagia ruciu Jumamosi, thutha wa Gachagua kugia na dwari undu uria uratumire age kuneana uira wake.
Kuringana na Otieno, uyu ni mutaratara urari mubange kiuteti na masenators nimarari matuite matua ma uria meguikia kura, gugikinyiria alamisi ya kiumia giki.
Mbica irutitwo online
–Muriithi Amos-
