Aruti wira rungu rwa wabici ya munini wa Raisi mubagure Rigathi Gachagua nimarigiriirio kuingira nyumba nene ya Harambee House mwena wa Nairobi, mithenya minini thutha wa kuurio mathii rutha rwa kiabinya.
Kuringana na riboti cia kwibokeka maabithaa kuma rubonge rwa Rapid Deployment Unit mekuburite kambi nja ya nyumba iyo na kwambiriria gucokithia aruti wira, aria mekurokete wira umuthi.
Aruti wira matanyibiire 108 aria marutaga wira wabicini ya munini wa Raisi maroritio kuthii rutha rwa kiabinya, thutha wa kubagurwo kwa munini wa Raisi gukindirwo ni mbunge ya senate.
Kurumirira ndeto ino gutiri abithaa ona umwe ona kana muruti wira wa wabici ino auma na umiriru wa kugweta cigii ndeto ino.
Mwandiki munene wa maundu megii wathani Patrick Mwangi, oritie atongoria othe a bonge itiganite wabicini ino gucaria arugamiriri a bonge ici.
Ugaruruku uyu uraniriirwo thutha wa Raisi William Ruto kwamura professor Kithure Kindiki, gutwika munini wa Raisi niguo kuoerera kuuma kuri munini wa Raisi mubagure Rigathi wa Gachagua.
Mbica irutitwo online
Muriithi amos
