Mutongoria wa aria aingi mbungeri ya vururi Kimani Ichungwa niureganite na rivoti iria irauga ni utanyite gukorwa agioca giturwa kia minista wa ugitiri wa ndari ya vururi angikorwa kindiki ni ukevitithua gutuika munini wa raisi.
Akiaria ari mwena wa Rabai,kauntiri ya Kilifi,Ichungwa ni ugite ndai na vata na giturwa wa kionthe kia u minista nwati ararongoreria gukorwa agikinyaniria motungata kuri ekari a Kikuyu na kuruta wiira ari mutongoria wa aria engi mbungeri ya vururi.
Wavo ni wongererete na kuuga ikinyo riake ria kunyita mbaru ndereti ya kuvagura munini wa raisi muvagure giturwari arutagira vururi wiira guku akiregana na ndeto iria irauga ari na mbara na munini wa raisi muvagure.
Ichungwa ari gatagati ka mariitwa ma aria mangiocerere giturwa kia munini wa raisi vuva wa Gachagua kuvagurwa kana gukorwa agioca giturwa kia minista.
Mbica irutitwo online
–Murugi wa Gitonga-
