Rais William Ruto ni wandikithiitie ciira akiregana na na kuthikiriria kwa ciira wa kuvagurwa kwa munini wa rais muvagure Rigathi Gachagua kuvitukira kuri wakili Adrian Kamotho na varia augite igoti ritiri na vinya wa kuthikiriria na gutua ciira ucio na varia augite ni kuvuthira mitaratara ya igoti nai.
Raisi William Ruto ni ugwetetue gukorwa ari mundu wa gatano wa gucokia cira uyu nake munini wa raisi muvagure agwetetwe gukorwa ari mundu uria uvutitue ni cira uyu .
Wavo raisi William Ruto niuritie igoti gutecaniria ciira ucio guku akiuga mitaratara ya igoti ndi ngithii na mbere igotiri wa rionthe mugaru na raisi kana mundu uria uraruta wira wa raisi vindi ya wathani wake na njira ya kwathikira undu uria mwike kana utai mwike rungu rwa kativa ya kenya ya mwaka wa 2010.
Mwena wa athitangani aria ni vamwe na David Mathenge,Peter Kamotho,Grace Mwangi,Clement Muriuki na Edwin Kariuki ni mathiire igotiiri na kwandikithia ciira makienda kurungamua kwa Profesa Kithure Kindiki guocerera wavici ya munini wa raisi vuva wa gachagua kuvagurwa ni mbunge ya vururi na ya senate.
Mbica irutitwo online
–Murugi wa Gitonga-
