Gikundi gia Kenyan Network of Cancer Organizations vamwe na mungano wa arwaru a murimu wa cancer nio Cancer Survivors Association Of Kenya ni manyitanite niguo kwandikithia ciira niguo thirikari ikorwe igicokereria urigitani wa murimu wa Cancer.
Wa uguo nimonanitie kwaga kuiganira niundu wa mathina maria arwaru a murimu uyu maravitukira kumana na gucenjua gwa kandi cia NHIF nginya kandi cia SHIF rungu rwa mutaratara muceru wa ugima wa mwiri wa SHA.
Mendekithia maria mandikirite nvonge itiganite cia ugima wa mwiri ai vamwe na ruvonge rwa ugima wa mwiri rwa Ministry Of Health na kamiti yay a ugima wa mwiri ya mbunge ya kivururi ikundi ino ni makanyiriritie vai na vata wa guoca ikinyo nevenya niguo gitugakorwe na wagagu thiini wa urigitani wa murimu wa Cancer.
Wavo ni mathiite na mbere na kuuga murimu wa Cancer ni wa kathatu vari mirimu iria icungagiriria ikuu vururiri varia andu 44,700 manyitikanaga na murimu uyu wa mwaka na ikuu 29,300 kuonekana kumana na murimu uyu wa mwaka ino ai kuringana na uthuthuria wa Globocan 2022.
Mbica irutitwo online
–Murugi wa Gitonga-
