Igoti rinene muthenya wa umunthi niritanyitwe kuvecana itua na kuuga kana munini wa mucirithania munene Martha Koome Philomena Mwilu niwagiririte kuthondeka ndundu ya majanji athatu aria matanyitwe kuthikiriria cira wa kuvagurwa kwa Gachagua.
Mawakiri a Gachagua maugite ndundu ya majanji acio nwa ithondekirwe ni mucirithania munene Maartha Koome undu ureganitwe naguo ni mawakiri aria marugamiririte na maranyita mbaru kuvagurwa kwa Gachagua igotiri.
Cira cionthe ikuruvanitie kuvagurwa kwa Rigathi Gachagua ninyitithanitue na varia raisi Ruto wanake ari umwe wa aria makuruvanitue cirari ucio.
Gachagua niureyumiririe igotiri rinene muthenya wegoro vindi ya kugwetwa kwa cira wake vuva wa majanji airi Chacha Mwita na Richard Mwongo kurugamia kwivituthua kwa Kithure Kindiki oviciri ta munini wa raisi vuva wa kuvitukua ni mbunge ya kivururi.
Janji Eric Ogolla uria uratongoragia ndundu iyo ya majanji athatu yugite nikorwa igitua cira ucio muthenya wa umunthi.
Mbica irutitwo online
-Ireri wa Njagi-
