Minister wa weji wa mathiga ma goro Ali Hassan Joho niuritie akenya kuigithia na mieke iria ireumiria mwenaini wa mathiga ma goro, niguo kwigwatira mieke iria rubonge ruru rungireta.
Akiaria ari mbere ya kamiti ya mbunge ya maria maturigiciirie, mititu na weji wa mathiga maya, nio Committee on Environment Forestry and Mining, Joho augite rubonge ruru rwina aigithia aingi kuuma nja ya bururi na aria Magicaga na baida nene, guku akigweta aigithia kuuma bururi wa Indonesia na China, aria marerikana kuthoindeka baida wa mabilioni ma mbeca kuuma sector ino.
Ningi Joho nioritie ambunge kubura njeki kioneki giake gia kuthondeka na gukinyaniria mawatho maria mangiguna aigithia, aria mari thiini wa rubonge ruru kuuma guku bururini.
Mbica irutitwo online
–Muriithi Amos-
