Vanduri va mieri iiri mivituku, Collins Jumaisi Khalusha, mwikuirwa munene wa mburagano kwareri kuria atumia 42 makorirwe mauragitwe niukoretwe ethithite kuuma atoroka stationiri ya vorithi ya Gigiri.
Jumaisi atorokire kuuma station ino vamwe na ekuirwa engi 12 tariki 20 mweri wa kanana mwakari na mithenya 69 kuuma ngero ino yekika ndaikitue ngono.
Muthenya wa umunthi, ruvonge rwa kuthuthuria wiki naai niruritie mwingi gutumira namba itari marivi kuvecana ndumaniriri wacionthe cigii mwikuirwa.
Maavithaa acio a uthuthuria nimathiite nambere kuuga mutaratara uria uratumika niguo kuvecana ndumaniriri ino uramenyekana ta #FichuaKwaDCI, namba iri 0800722203 wana kana namba cia maavithaa a vorithi iria itari marivi nicio 999, 911 na 112.
Kaari Mugendi
Mbica irutitwe online
