Kochi munene wa Boxing vururiri Benjamin Musa niukenetue ni athaki ake thiini wa macindano ma 21 ma muthako wa Boxing gitaruri kia Africa maria maragendaga na mbere mwena wa Kinshasa, Dr Congo na varia mukenya acindite nthumbi ya thahavu ria mbere kuuma mwaka wa 2017.
Boniface Mogunde acindite nthumbi ya thahavu macindanori mama mwena wa DRC na varia akenetue ni athaki engi ta Clinton Macharia uria urakinyire thiini wa final vamwe na Vincent Ochieng uria urakinyire thiini wa semifinal.
Timu ya Kenya icindite nthumbi itiganite; 1 ya thahavu, siluva 2 na bronze 5.
Kenya irikitie iri namba ithatu thiini wa ngucanio ino cia Boxing guku agikumia thirikari ya Kenya wa vamwe ruvonge rwa mithako niundu wa kumanyita mbaru.
Ireri Njagi
Mbica irutitwe online
