Kambuni wa utambia wa thitima niyandikithitie vaita ya birioni 43.6 uria uratwika birioni 30.5 vuva wa gutinua goti, vari mwakari wa 2023/24.
Kambuni ino niyugite muthenya wa umunthi, kuongererka kwa vaita ino kumanite makiria na kuongerereka vinya kwa ciringi ya Kenya, iria iracenjanua na ciringi 129 ikiringanithwa na dollar ya vururi wa Amerika.
Nimathiite nambere kuuga mwaka uria urathirire mweriri wa gatandatu, wendia wa thitima niwongererekete na gicunji kia 21 vari igana na gukinya birioni 231 kuma kuri birioni 190 iria ciandikithitwe mwakari ucio wingi uvitukite.
Nimakuruvanitie kuongerereka guku thiini wa vaita na kugia aguri thitima 447,251 aceru mwakari uyu vamwe na kuongereraka kwa utonga wa vururi, makiria mbiacarari cia kuthondeka indo.
Makiria nimaugite kunyivirira thiini wa matumiri ma kimbeca na birioni 24 nigucangirite kuongerereka thini wa vaita.
Wauguo atumiri a thitima thiini wa iganda na micii nimongererete na icunji cia 5.1 na 5.5 vari igana.
Mwende Ireri
Mbica irutitwe online
