Kiama kia United Democratic Alliance (UDA) nikianiririte nikivariritie gucenjia utongoria weguru kiamari giki igoti riekira mukonde gwikua nja gwa minini wa Rais, Rigathi Gachagua.
Akiaria na andiki a movoro muthenya wa umunthi, mwandiki munene wa kiama kia UDA Hassan Omar niugite kamiti nene ya kivururi yetererete itua ria igoti ria gwikia nja Gachagua na gutuithia ngathi Kithure Kindiki uria uthuritwe gwicuria mweke ucio wa munini wa Rais.
Omar niuthiite nambere kuuga Gachagua niuvatarite gutigana na mbara cia magoti na gwitikira gwikua nja gwake guku akimutara gucaria ivonia cia mathina make ma giuteti nja ya igoti.
Kindiki athurirwe ni Rais William Ruto tariki 18 mweriri vuva ya mbunge ya Senate gwikia nja Gachagua.
Timu ya mawakiri a Gachagua nimaugite muvango uyu wecuritue ni muku kwona ati mbunge ya senate yociire itua ria gwikia nja munini wa Rais riria akomete thivitari.
Munini wa Rais na uria urikitie kuvagurwa niuthiite nambere gukanyiriria nike munini wa Rais na akathii nambere kuvuranira gwikara oviciri ino.
Kaari Mugendi
Mbica irutitwe online
