Ekari a Ithata rieguru na Ithata ria Itherero mativotete kuthitha gikeno kiao vuva wa Mca waao Muriithi Kobole kwonania gukinyaniria mamwe ma maundu maria amerire.
Ekari aya makiaria thiini wa gikaro kiria gigwitanitwe ni Mca Kobole mwena wa Ithata rieguru, maugite nimonete Mca waao nuurameciria kwona agitia kura augire ndangithiria itina riri avewa ekari acio matari marenyitira title muvango uria ambiriritie muthenya wa umunthi na kwiranira kurikia vanduri va mieri inana.
Wanakunari uguo ekari aya nimathurite atongoria ao aria magutuika metho maao thiini wa mutaratara uyu wa uvecani wa title niguo gutikagie mundu ukuvinyirirua.
Wauguo Mca ucio wa mbeti yeguru Peter Murithi Kobole na uria utongoretie muvango uyu mari na unyitaniri na thirikari ya kaunti augite ni gikeno giake kwona wa mundu niwagia vandu angita vake ari na nginya kindu gia kwonania ni vake.
MCA Kobole niugite gutiri mundu umite nja ya matura mama agakoragwa akiamukira title.
Kobole nuwereithitie mamwe ma maundu mengi maria atanyite kuvingiria ekari a mwena ucio.
Munene Nyaga
