Muvotani na uria wigwatirite rekodi thiini wa ivenya ria marathon Ruth Chepng”etich vamwe na muvotani wa ivenya ria Half Marathon mwena wa Valencia Agnes Ngetich nimacaguritwe gukorwa amwe a aria maratanya kwamukira nthumbi ya Female athlete of the year.
Nimakorwa magicindana na muvotani wa mavenya ma Olympic Sifan Hassan na atengeri kuuma Ethiopia Tigist Ketema vamwe na Sutume Kebede.
Chepngetich aratigire nthi yonthe na kimako kinene vuva wa kwandikithia history mavenyari mwena wa Chicago na gukorwa mutumia wa mbere gucinda ivenya ria marathon na nthi ya mathaa mairi na ndagika 10 vuva wa gutumira mathaa mairi ndagika 9 na sekondi 56 na gucenjia rekordi iria yari vo na vakuvi ndagika 2.
Mwenari wa arume muvotani wa ivenya ria marathon mwena wa Tokyo na muvotani wa Bronze ivenyari ria Oympics Benson Kipruto aravotanira nthumbi iyo na atengeri kuuma Ethiopia Yomif Kejelcha na Tamirat Tola undumwe na uria wa Uganda Jacob Kiplimo.
Ireri Njagi
Mbica irutitwe online
