Ekari a Togonye nimarateta niundu wa ndaraca iria inyitithanitie kuuma itura ria Togonye ikiambiriria thokori ya Togonye kuthii cukuru ya Secondary ya Togonye, primary, police post na ikaringa nginyagia Murinduko.
Makiaria na kameme ga Kimuri Fm nimaugite nimavinyiririkite kavinda karaca niundu wa ndaraca ino gukorwa itakinyaniritie waki.
Aria marutaga wira wa gukua na bodaboda makiuga mari nvatikari makiria niundu wa gutumira maguta mengi na kuthii njira ndaca.
Ekari aya nimauritie MCA waao kwiyumiria niguo avote gutariria wira wa kuthondeka ndaraca wavecanirwe kuri uriku.
Guku makimenereria wira uria ukoretwe ukithii nambere na ukirwa gutumira mbeca nyingi gukira uria kwagiririkite.
Na tondu mbura ithiite kuambiriria kuura waringi, ekari aya mari na wagagu mwingi niundu wa ndaraca ino.
Nimavecanite mendekithia kuri atongoria ao gutonyerera na kuramata thina wa ndaraca ino.
Kaari wa Mugendi
Mbica ino irutitwe online
