Uria wari mucirithania munene Willy Mutunga niwendekithitie raisi uria wingi akathurwa kithuranori giuku agakorwa ari mbeumbithi, Genz kana millennial wa ukuru wa gatagatiri ka miaka 27 kuthii 43.
Wauguo mucirithania uyu wa tene augite ateti a irika riake makoretwe makithutukania mwingi na matiagiririte gutongoria vururi.
Akiaria thiini wa mambura ma gukunguira miaka 12 ya igoti itugiru rungu rwa gatiba njeru, Mutunga niukanyiriritie vata wa gukorwa na ruvonge rwa magoti ruravota kwirugamirira.
Waringi niuritie mwingi wa Kenya kunyitirira ruvonge rwa magoti nikwona nwaruo rugitagira kivoto kia akenya.
Mutunga niuthiite nambere kwendekithia gutumwa kwa ovici ya acirithania anene aria matigite wira niguo kuthii nambere na kugitira gatiba.
Mwende Njiru
Mbica irutitwe online
