Muteteri wa ivoto cia arimi, John Njiru Kathangu niumenereretie atongoria aria kuringana nake augite makoretwe makivingia wendi waao na kuriganirwa ni wira uria matumirwe niguo mavote kurutira mwingi uria wamathurire.
Kathangu niumurikite mumbunge wa Mbeere Yeguru, Geoffrey Ruku nundu wa kuuga akathii thiini wa mbunge na kuvira ndereti ya kurigiriria mirurungano. Niuririkanitie Ruku mathina maria mwingi wa Kenya wavitukire gatagatiri ka miaka ya 1990-92 vindi ya wathani wa mutigairi Daniel Toroitich Arap Moi.
Wauguo Kathangu niugite mirurungano iria ikoretwe igitwarithua nambere guku vururiri nivotete kureta uguni.
Kaari Mugendi
Mbica irutitwe online
