Ruvonge rwa maavitha a vorithi niruo National Police Service (NPS) nirwandikithitie mavinda 57 maria andu manyititwe migwate kuuma riria mirurungano iria yatongoretue ni mbeumbithi yambiririe tariki 18, mweri wa gatandatu, ta uria kwirikanite ni munene wa maavitha a vorithi Douglas Kanja.
Akiaria mbere ya kamiti ya urungamiriri na ugitiri wa ndari ya vururi, Kanja niutecaniritie rivoti gukorwa maavitha a vorithi nimakoretwe makinyita migwate akenya aria makuruvanitue na mirurungano na kumauraga guku akiuga maavitha a vorithi manyitaga andu ngono kiwatho.
Kanja niuthiite na mbere kuuga thengia wa gukorwa mirurungano yari ikorwe ya thayu kuri ekuirwa mocire kanya kau kuthukangia indo ciene na kureta mbara.
Niugite ekuirwa 1,552 nimarikitwe gwikua ngono niundu wa mirurungano vuva wa vorithi kumacaria magitumira mbica cia CCTV.
Mwende Ireri
Mbica irutitwe online
