Rais William Ruto muthenya wegoro niarokorirwe akiaraniria na karani wa vururi wa Amerika, Anthony Blinken kuvitukira thimu muvangori wa kugaciria ugitiri vururiri wa Haiti niyo Multinational Security Support (MSS) iria itongoretue ni maavitha a vorithi kuuma Kenya.
Atongoria aya airi nimararoririe uvotekeku wa gucenjia muvango ucio niguo utuike wa kureta thayu kuuma kuri muungano wa urumwe wa mavururi, niguo kugaciria uthii wa nambere makirigirira ukathira mweri wa ikumi mwaka ukite.
Vau mbereri muvango ucio niukoretwe ukithii kavora niundu wa mathina ma kimbeca na ma mitaratara iria irendekana niguo kumivira nambere.
Rivoti nicionanitie gukorwa mavururi ma na nja nimaugite nimakuvecana mamirioni ma mbeca niguo kunyititira muvango ucio, vururi wa Amerika ukiuga niukuruta mbeca muigana wa ciringi birioni 38.5.
Kunari uguo gutimenyekanite kana vururi wa Amerika ukavota gukinyaniria undu uyu, Rais muthure Donald Trump engira oviciri January ya mwaka muku.
Mwende Ireri
Mbica irutitwe online
