Ciira uria uraregana na wigucano gatagatiri ka thirikari ya Kenya na kambuni ya Adani wigie kivaro kia ndege kia JKIA ndunathikirirua kirauko kia umunthi.
Ithenyari riu, ciira niuviritwe tariki 27 mweriri uyu, guku ciira uria wandikithitwe ni muungano wa mawakiri a Kenya LSK ukivirwa tariki 17, mweriri uyu.
Ino irari vuva wa aciraniri kuuma miena yoiri ikonanitie na ciira uyu kumenyithua njanji uria urathikiriria ciira ucio ndari vakuvi. Wana thengia ya uguo, watho uria urungamitie gutwaruthua nambere gwa wigucano ucio uri wavo nginyagia riria cira ukathikirirua na itua kuvecanwa.
Makiariria andiki a movoro vuva wa muthenya wa ciira uyu kuthamithua, mutongoria wa kiama kia Wiper Kalonzo Musyoka mari na mutongoria wa kiama kia DAP-K Eugene Wamalwa, na aria mararungamirira aruti wira a kivaro kiu kia ndege, nimauritie thirikari gutecaniria wigucano ucio makiuga Kenya iri na uvoti wa kunenevia kivaro kia JKIA.
Mwende Ireri
Mbica irutitwe online
