Athaki a Barcelona; forwards Robert Lewandowski na Lamine Yamal nimagite na ngurario na varia matakavota kuthakira mavururi maao vindi ya international break, ino ni kuringana na na kiravu giki.
Lewandowski aragiire ngurario ya murukuthu vindi ya mechi yegoro varia maracindirwe na bao imwe gutaina macokio ni timu ya Real Sociedad.
Lewandowski na uria wiina miaka 36 ndakavota kuthakira timu ya Poland varia matanyitwe gugacemania na timu cia Portugal na Scotland mbitikari cia Nations League undumwe na mechi ya timu ya Barcelona varia magatutana na Celta Vigo tariki 23 mweriri.
Yamal ndanathaka mechi yegoro varia aina ngurario ya nthungwa ya mwena wa urio na arevokwa gukorwa atakuthaka vanduri va ciumia 2-3.
Yamal uria wiina mika 17 ndakathaka mechi ya Spain muthenya wa aramici varia magacemania na Denmark undumwe na ya Switzerland. Wauguo ndakathakira Barca mechi iria magakorwa mathiite Vigo.
Wauguo kwiina nganja yake kuthaka mechi iria Barca magakorwa mari mucii makithaka na timu ya Brest tariki 26 mweriri na iria ya Las Palmas.
Yamal engiritie bao ithathatu thiini wa mechi 15 iria athakite kimera giki nake Lewandowski aina 17 thiini wa macindano monthe na nike utongoretie thiini wa La LIga aina vbao iria nyiingi muno.
Kaari Mugendi
Mbica irutitwe online
