Mundumurume uria urekuirwa gukorwa ari mwene gikundi kiri nendari ya ukinyaniria ya Telegram na varia akoretwe agitambia igeranio cia KCSE kuri aciari na arutwa niurikitie gwikwa ngono.
Stephen Nyang’au Mbeche niunyitirwe ni maavitha a uthuthuria kuuma kiama kia kuramata igeranio vururiri nikio KNEC magitethania na maavitha a vorithi a Masaba Yeguru vuva wa uthuthuria.
Mbeche arerikana gukorwa athondekete gikundi kiretwa”KCSE 2024 Leakage Group” varia akoretwe akinyagia maratathi ma igeranio guku agitumira arutwa na aciari.
Mbica kuuma kuri maavitha a uthuthuria a DCI cionanitie gikundi kiu kirari na amemba 802 na mwikuirwa gukorwa agitia mbeca wavau niguo kuvecana maratathi mama.
Mwende Ireri
Mbica irutitwe online
