Kiama kia athikafu a kanitha gatoreki nimonanitie kwaga kuiganira kwao niundu ya migendere ya maundu matiganite guothe bururini.Makiaria umuthi mari mwena wa Ruaraka,Thika kaunty ya Kiambu nimorotete maundu maria mabatii kumurikwo.
Muthikafu ARC Bishop Maurice Muhatia uria ni muikariri giti wa kanju ya kiama kia athikafu guku makiorota atongoria niundu wa kwaga kuoya uigiririki maunduini megii ungumia.
Ndumiriri ya kuura kwa andu na njira ina kiriga oro undumwe na andu kunyitwo migwate niumiritie, bindi ya ndumiriri ya kiama kia athikafu a kanitha gatoreki mwena wa Rwaraka Thika umuthi.
Akiaria bindi ya kuneana ndumiriri ya athikafu acio muthikafu Maurice muhatia mari bamwe n athikafu angi nimakumithitie ndeto ino na njira nene.
Ningi kanju ya athikafu kanitha gatoreki niyuritie thirikari kuoya uigiririki kumurika ndeto ino na njira iria ciagiririkite.
Mwenaini ungi nimakumithitie ikinya ria kuongerera miaka ya utongoria ya atongoria a gucagurwo, guku kanju ino igikirira ngaja mubango ucio na njira nene.
Mbica irutitwo online
–Muriithi Amos-
