Mwiri wa mundu murume umwe kiroko kia umunthi ni wonekanite runjiri rwa Nyamindi iturari ria Nduma Mwea East kauntiri ya Kirinyaga.
Kuringana na ekari a itura ria Nduma matongoretue ni murungamiriri wa itura riu Gitari Gititu mwiri wonirwe ni ekari aria mugunda wao wi muvakari wa runji rwa Nyamindi riria makuvandaga wariri mbura ithiite na mbere kuura mwena ucio.
Ekari maretikia mundu murume uyu arari mutwarithia wa boda boda kwona arekirite nguo maita mathatu ari vamwe na reflector jacket.
Mwenari wake Mary Wanjiru na uriia ni mwikari wa ituura riu augite ti ria mbere mwiili kurutwa runjiri rurub rwa Nyamindi na kuria athiite na mbeere na kuuga ndeci gitumi kia andu kuragwa na gutewa runjiri ruru.
Mwiri ni urutitwe ni ekari mari vamwe na maavitha a vorithi na kuvirua nyombari ya kwiga miiri ya Kerugoya wetererete ithimi cia Post mortem na gutamburikana ni maavitha a vorithi kuma gituori kia Wang’uru.
Mbica irutitwo online
–Ireri Njagi-
