Mbunge ya senate niruguritie uthuthuria wigii ndeto cigii kigina kia ugima wa muiri mutarataraini wa SHA, kambuni cia insurance cia andu kiumbe, oro undumwe na mbeca cia kuroria kandarathi cai maabithaa a borithi, iria irerikana ni mbeca itanyibiire bilioni 6.3.
Uthuthuria uyu wambikitwo thutha wa riboti kwiumiria ikionania maabithaa a borithi aria maguraraga mari wiraini matikoretwo makiribwo athara, ta uria kandarathi yao ya mutaratara wa NHIF, yendekithitie.
Muikariri giti wa komiconi ya maabithaa a borithi Eliud Kinuthia,niekirite mukonde ndeto ino guku akiuga kwina na namba nini ya andu aria marikitie kuribwo athara, guku nao aingi ao makiaga kuribwo athara iyo ona kana gucerithirio gutari na itumi njigano cia gwika uguo.
Kinuthia ningi augite NHIF ikoretwo ikibuthiriria mateta mao mabinda kwa mabinda, guku akiuga no mateta 937 ma muigana wa mbeca itanyibiire milioni 709 mamurikitwo.
Ndeto makiria irauga mateta matanyibire 240 maria ni ma muigana wa milioni 240 nimareganitwo namo ni kambuni itiganite cia insurance.
Mbica irutitwo online
–Muriithi Amos–
