Rais William Ruto niuritie maminista makinyanirie merorerwa mao monthe nvongere ciao niguo gukorwa magitungata Akenya na njira iria yagirire vari kavindari kau gatigarite mari oviciri ciao.
Thini wa mucemaniao wa gucaina kandarathi cia uruti wa wira, rais niugite maminista nimavatere kwirutira o ene nuguo kuagiriria nvonge ciao. Wavo niugite nvonge imwe ingigwa wirari wayo, niikorwa ikivitua thirikari ng’ima na makinyo nimagocerwa aria magakorwa mari na mavitia.
Rais niuthiete na mbere kuuga kandarathi cia uruti wa wira niikorua iri ta rekodi ikaroraguwa mwicori wa mwaka wa kimbeca, niguo gutethereria minista mone kuria mekite wega na kuria magwite. Niuvecanite mukana akauga maminista nwanginyagia marutanithie wira vamwe rungu rwa mutaratara umwe wa kithirikari niguo kugacira uruti mwega wa wira.
Mbica irutitwo online
–Perpetual Mwende-
