Ruvonge rwa maavitha a vorithi niruvecanite mukana kuri mwingi na aria mavangite kururungana muthenya wa umunthi wariri raisi William Ruto atanyite kwaririria uria maundu mavana vururiri thiini wa mbunge ya kivururi.
Thiini wa ndumiriri iria irarekererue kivwai kiegoro mwaria wa ruvonge ruu rwa maavitha a vorithi Dr. Resila Onyango augite maavitha a vorithi matiramenyithitue megii mururungano ucio ta uria kwendekithitue thiini wa watho wa Public Order Act.
Mukana uyu ukite wariri kuri na rivoti itambite nendari cia ukinyanirira cigii uvotekeku wa gukorwa na mirurungano muthenya wa umunthi uria ukuruvanitue na mwingi kurega kwiganira ni maundu ma giuteti maria marathii na mbere vururiri.
Riu maavitha a vorithi nimauritie mwingi gutwarithia na mbere maundu mao matari na guoya.
Mbica irutitwo online
–Ireri wa Njagi-
