Senator wa kaunty ya Kisumu Tom Ojienda augite kunyitwo migwate kwa muteti wa mwena wa mung’ethaniro kuuma bururi wa Uganda Kizza Besigye, ari guku bururini nikwonanitie kwina bata wa kumurika ugitiri wa bururi makiria muno mibakaini ya bururi wa Kenya.
Besigye, uria akoretwo aking’ethanira na Raisi wa Uganda Yoweri Museveni ithuranoini, ari anyite itemi kurugurio kwa ibuku ria mutongoria wa kiama kia Narc Kenya Martha Karua, no agiikio ngono, uu ari kuirngana na ndumiriri kuuma igotini.
Ona thengia ya bururi wa Kenya kwithengia bari kunyitwo migwate kwa Besigye, ndeto ino nirebete ndereti nene niundu wa kiria mareta kuongerereka gwa ciiko cia kunyitwo migwate kwa raia a kuuma nja ya bururi.
Ojienda augite bonge cia ugitiri cia bururi itibatii gukuithio murigo, guku akiuga kwina ubotekeku wa gukorwo kwina maabithaa a ugitiri kuuma Uganda, aria maraingirire guku bururini kurumirira mitaratara iria yiigitwo ni urumwe wa mabururi ma gitaru kia Afrika ya irathiro.
Mbica irutitwo online
–Muriithi Amos–
