Mumbunge wa Belgut Nelson Koech augite minister wa maundu ma nja niatanyitwo kubeana ndumiriri makiria ciigii kunyitwo migwate kwa mutongoria wa mung’ethaniro bururini wa Uganda Kizza Besigye.
Besigye aribotirwo kunyitwo migwate ari mwena wa Nairobi ni andu matuikaine tariki November 16, ari mibang’oini ya gwikinyia kirugurioni kia ibuku ria muteti Martha Karua.
Koech, na uria ni muikariri giti wa kamiti ya ugitiri na ugwataniri wa maundu ma na nja augite nimagwita CS Mudavadi, niguo kwereithia makiria ciigii guikio ngono kwa Besigye, kuona niwe unyitiriire ministry ya ugitiri wa thiini.
Ona thengia ya kwirikana nigukoretwo kwina kwaga mwiboko kwa akenya kuri bonge cia ugitiri bururini,Koech augite bururi wa Kenya wina thayu na gutiri raia owothe wa kuuma nja ya bururi abatii kuigwa ta kwina ubaguku wa ugitiri.
Mbica irutitwo online
–Muriithi Amos-
