Mwandiki munene wa mungano wa arimu vururiri wa KNUT Collins Oyuu niwiririte arimu wigucano wao na komiconi ya kwandika arimu vururiri wegii Collective bargaining agreement niuthiite na mbere wa waro.
Oyuu akiaria aii tauniri ya Rongo katiri ya Migori augite atongoria thiini wa mungano ucio nimakoretwe na micemanio na TSC na mari na witikio mavata mao nimagokorwa makivingua ni TSC indi iri vakuvi.
Vamwe na maundu maria KNUT yendekithitie ni kwambatirua ngathi kwa arimu aria maturite gikundiri kimwe kia wira kavindari ka miaka mingi.
Kuringana na OYuu, TSC yugite yakorirwe ikiamukira ciringi birioni 1.1 ntheri, cia kuambatiria arimu ngathi na iria itari mbiganu kuri arimu onthe.
Waringi Oyuu augite nimarerutaniria niguo gutigirira arimu aria maravatara kwambatirua ngathi nimekwambatirio ngathi kwona ni thina munene vururiri uvatii kurorererua ni thirikari na njira nene.
Mbica irutitwo online
–Ireri wa Njagi-
