Ekari na arutwa aria maratura nyombari cia Bagik hostels iturari ria Kangaru, gicigo mbunge kia Manyatta, nimatariritie wagagu waao niundu wa ntharikiro cia wyii iria ithiite nambere kuongerereka matukuri matari varaca njirari ino ya Bagik.
Marakara ma andu aya mongererekete vuva ya mururutwa cukururi ya Embu University, Basil Mburu kutharikirwa ni mwii na gucangira gukoma gwake thivitari.
Mavinda mengi wiki naai uyu uragerwa ugitumira bodaboda.
Mwenari wake murangiri wa nyomba ino niugite arutwa nimakoretwe magicunwa thimu ciao, indo cia mathomo na engi kutharikirwa makagia ngurario niundu wa uvaguki ucio wa ugitiri mwena wa Bagik.
Makivecana mwito wa kugacirua kwa ugitiri varia mavoete mekirirwe mataa njirari ino niguo kuvurana na wyii uyu na uria utheremete makiria.
Naao atongoria makiurua guoca makinyo na kuvingia maundu maria makoretwe makirira mwingi ma kuramata ugitiri.
Kaari Mugendi
