Akenya riu nimagukorwa makiriva mbeca nyingaingi niguo kugia marua cia kuciarwa na cia gikuo, ino ni vuva wa thirikari gwikira marivi meeru kuri mootungata matiganite na maria mavecanagwa ni ruvonge rwa kuramata uthie na nja ya vururi niruo State Department of Immigration and Citizen Services.
Thini wa ndumiriri yaandikithitwe mweri umwe mbere ya Kithure Kindiki agite munini wa Rais, na riria ari minista wa ugitiri wa ndari, Kindiki niwandikithirie marivi mama meeru, na maria thini wamo, mbeca cia kuandikithia marua ma kuciarwa na ma gikuo maambatiriritue kuma ciringi 50 nginyagia ciringi 200.
Mundu angicererwa kuandikithwa marua mama, riu agakoragwa akireva ciringi Magana matano, mbei na iria yongereretwe kuma ciringi 150. Wavo mundu angita marua mama na niukwenda mengi meeru, riu akarivaga ngiri imwe, mbei na iria yambatirirtwe kuma ciringi 90, iria irarevagwa vau mbereri.
Mbica irutitwo online
–Murugi wa Gitonga-
