Mbunge niireganite na rivoti iria ciugite gukorwa ambunge amwe nimakoretwe magiocera mbeca na iria ivatere kurivwa kuri madereva na arangiri ao.
Ino ni kurumirira rivoti kuma ngathitiri imwe vururiri iria yugite Spika wa mbunge ya kivururi Moses Wetangula thini wa icera ria ambunge rigie utongoria, kauntiri ya Nakuru, niwakanirie ambunge matigeyocere marivi maria mavatie kuthie kuri madereva na timu ciao cia ugitiri.
Karani wa Mbunge Samuel Njoroge, niutariritie rivoti ino ta ya maveni, itari na wigiririki. Niugite arangiri a ambunge vamwe na madereva matikoretwe makirivwa marivi mau kuma riria watho wa mbeca wa Finance Bill 2024 yatecanirwe na mbeca iria igaagirwa mbunge kunyivua.
Njoroge niwongererete akauga unyiviriru wa mbeca iria irivagwa kuri agitiri na madereva a ambunge niwaroretue thini wa ugai wa mbeca cia mwaka wa 2024/2025.
Mbica irutitwo online
–Perpetual Mwende-
