Ekari   aria  maraina  marakara  kuma  iturari  ria  Kithogondo   mwena  wa  ngurubani  kauntiri  ya  Kirinyaga nimarigiriritie  ngari  cia  miraa  gukorwa  ikivitukira   varavara  ya  Mwea  kuthii Embu  umunthi,  ino  ni  vuva  wa ciana  igiri  kuringwa  ni ngari  ya  miraa  na  gukua muthenya  wegoro.

Ekari  aya  mambiririe  kururungana makingataga ngari  cia  miraa  na  kuvinga   varavara makienda ikinyo  rikorwe  rigiocwa .

Maavitha   a  vorithi  kuuma  stationiri  ya  vorithi  ya  Wanguru nimageririe  gutonyerera  nwati ekari makorwa  magikanyiriria  na  kuuga  ngari  iria  magukorwa  magitikiria  kuvituka  ni ino ciingi  nwati  ti  cia  miraa.

Ekari aya makanyiriritie nimakuthii nambere  na  kurigiriria  ngari ino  cia  miraa gukorwa  ikivitukira   varavara  iyo  nginya mateta  maao  megii  matereva  a  miraa   gukorwa   na  wigiririki  varavarari marorue.

Kuringana  na  komanda  wa   maavitha a vorithi wa kaunti nini ya Mwea ya Irathiro, Mohammed Jarson dereva  uyu wa  miraa aracungirire  mutino niuratorokire  na  gutiga  ngari  yake kilomita   ta  igiri.

Mwende Njiru

Mbica irutitue online