Munini wa raisi watene Rigathi Gachagua niuvirirwe kwithara vuva wa eki naai kutharikira igongona ria mathiko ma mutigairi Erastus Nduati mwena wa Limuru, kaunti ya Kiambu.
Gicanjama giki kiyumiririe riria mumbunge watene wa Limuru, Peter Mwathi akwaragiria aria magucakayaga wariri akumenagiriria thirikari niundu wa gukirira Gachagua guku makimucuna nginyagia arangiri.
Nuuritie niki kingituma thirikari ikorwe ikivagura Gachagua giturwari giake kia munini wa raisi thiini wa kavinda ka miaka iiri.
Akiaria nikugire thina wa kimitambo na microphone iria agutumagira yakorwa ndingiaria gwega .
Vuva ucio nivo eki naai mengirire na mambiriria kugwithia igema na kutharurania indo cionthe iria irai kuu na kavindari kau munini wa raisi ndarai akuvewa mweke wa kwaria .
Aria magucakayaga maviririrwe wa mundu kwithara na njira ciake guku naao engi makigeria kwingata eki naai acio na njira ya kumaikiria iti cia plastic.
Eki naai acio nimaikirie nginya ngari ya Gachagua mathiga na mathukia gicicio kia murango wa vuva nwati Gachagua nuuvotire kwithara.
Kumana na gicanjama giki andu engi nimagurarirwe na mateng’erua thivitari.
Munene Nyaga
Mbica irutitwe online
