Makiria ma arigitani 600 kuma miena itiganite ya vururi nimagakorwa na mucemanio muthenya wa ruciu tariki 30 mukawari wa Safari Park muciiri munene wa Nairobi, mucemanio uria ugakorwa wa mwanya wa kwaririria mugomo uria uratanywa kuthingithia vururi kumana na thirikari kurega kuvingia kiria yamerire.
Thiini wa rivoti iria ivecanitwe ni mwandiki munene wa mungano wa KMPDU Davji Atellah, arigitani aya nimagakorwa makiuga maraiga miiro yaao nthi mithenya 14 kana 21 mugomo uria ukite kumana na micara iria thirikari itari iramariva.
Mugomo uyu wongereretwe maguta ni gikuu kia murigitani murutwa, ndagitari Francis Njuki uria urerikana nikwa erutire muoyo kiumia kithiru kumana na mathina ma kiwira.
Kurumirira gikiu giki Atellah niwakorirwe akira thirikari ikorwe igikinyaniria kiria ya merire na gutura uguo akorwe akivanga mugomo gugikinyagia mwico wa mwaka uyu.
Munene Nyaga
Mbica irutitwe online
