Muthenya wa umunthi choir cia diocese ya Embu iraina macindano ma nyimbo miceniri ya Our Lady of Assumption, Embu varia avotani makagia na mweke wa kurugamirira diocese ino thiini wa gikiro kia National, macindanori maria mecekine ta Krimak na magekika kuria Maralal tariki 5 mweri wa December mwakari.
Macindano mama mambiririe na mitha itongoretue ni muthikavu Peter Kimani Ndung’u varia akanyiririe vata wa kiveo kia wiini na utumiri wakio thiini wa kugocithia Ngai na gutambia kirira. Ni macindano marekinyitue na njira nene.
Macindano makoragwa na irathi ithano ngurani, ino kuringana na John Ireri uria ni murugamiriri wa choir kuria Mbiruri.
Matukuri mama nigukoretwe kwiina nyimbo nyiingi muno irarigirirua kwinua thiini wa kanitha; vatiri Ngari niuthathaurite makiria maundu maria mavatii kuramatwa utungiri guku akiongorera mtungi wa nyimbo nwatunge rutaina ndumaniriri.
Guku agikanyiriria vata ya wiini gwikirirua thiini wa mivango yonthe irekika kuuma mavoerori nginyagia diocese.
Miceni iria ivotire gwikinyia thiini wa macindano mama ni 11 kuuma kuri 23, choir irari 19 na nyimbo iria macindanire nacio ciie 63.
Kaari Mugendi
