Gavana wa Murang’a Irungu Kang’ata nuutugitwe na Gold Medal 2024 kumana na muvango wake wa ‘Kang’ata Care Programme’ thiini wa ngerenwa cia African Association for Public Administration and Management (AAPAM).
Muvango ucio wa Kang’ata Care utamburitwe niundu wa uvoti waguo wa gutethereria thiini wa ruvonge rwa ugima wa mwiri undu uria ukinyiritie andu onthe motungata ma ugima wa mwiri na uvuthu muno makiria aria matevotete thiini wa kaunti ya Murang’a.
Muvango ucio na uria utungatirite andu matanyivirite 160,000 nuucenjetie utungata wa ugima wa mwiri thiini wa kaunti iyo.
Ngerenwa ino ya Gold Medal yukite uri ta uvotani wambere guku vururiri thiini wa ngerenwa cia AAPAM gikirori giki.
Vururi wa Kenya niwigwatirite ngerenwa ta cia Huduma Center (2022) na eCitizen (2017), nwati ino ya Kang’ata niyavunja record kwona niguo muvango wambere wa kuvewa ngerenwa wambiriritue ni mukenya na ukavewa ngerenwa cia gikiro giki.
Akiaria iguru rigii uvotani uyu Kang’ata nuugathiriritie aruti wira wake guku akionanua ni gwituma kuria makoretwe magituma.
Munene Nyaga
Mbica irititue online
