Senator wa kaunty ya Kirinyaga James Kamau Murango, uria ni muikariri giti wa Kamiti ya ngirigaca mbungeini ya senate, niorotete minister wa maai Eric Muriithi niundu wa kiria areta kuthondeka Kamiti, ya kuroria uria irumbwa na mbia ingiburanwo nacio, mugundaini wa mucere wa Mwea.
Akiaria ari mwena wa Gichugu, Murango augite arimi a mucere a mwea, matirabatara Kamiti ta iyo kuona nimamenyete kiria kirathukia mucere, guku akiuga marabatara dawa cia kuraga irumbwa nwati ti Kamiti, iria ikurikiriria gutumira nai mbeca cia muingi.
Murango augite thirikari ibatii gutenga mbeca cia kuburana na irumbwa icio, oroundumwe na gutega mbia, ithenyaini ria kuthondeka Kamiti.
Mbica irutitwo online
–Muriithi Amos-
