Muthikavu wa diocese ya Embu Peter Kimani ndung’u niuuritie arigitani gwitikira gwiiturura na kumantha atarani muno makiria riria maundu mamarituvira.
Akiaria ai igongonari ria kenda ria gwikirwa nthumbi kuri arutwa arigitani a gikiro kia nurse cukururi wa consolata Kieni countiri ya Embu Kimani avecanite mataro mama wariri icanjama cia arigitani interns cia kwiruta mwoyo ciongererekete na njira nene guku vururiri.
Wana arigitani makimenyaga kimeciria riu wana irio cievu ni kindu kiavata kuringana na muthikavu Peter Kimani.
Watauria Kristu eitaga kamucemanio riu muthikavu Kimani augite wamundu nuuvatarite gukorwa agicaria kavinda gake mwene wavamwe na ka andu a nyomba yake.
Wanakunari uguo riu muthikavu Kimani nuuritie arigitani aria marikitie geikirwa nthumbi kwiga ngai mbere ya maundu monthe niguo mwico wovoro makagia na mwoyo wa tene na tene.
–Munene wa Nyaga-
