Dave Munya Mwangi, mwandiki mukaru wa tene wa ruvonge rwa ugitiri wa ndari riu niuthitangitwe agikuruvanuwa na cira wa wiyi wa mugunda wa mbeca ciringi birioni 350.
Mwangi, uria urakinyitwe igotiri ria Milimani, niuthitangitwe gukorwa egwatire na ngungo mugunda wa hectare 1.591 na uria uri rutere rwa vararara ya Mombasa na gukorwa athondekire maratathi ma title deed matari ma uma kuvitukirira utethio wa maavitha airi kuma ruvongeri rwa migunda.
Athatu aya nimathitangitwe na kunyitanira niguo kwia, kuthondeka marua matari ma uma, na kuthondeka title deed itari ya ma.
Mwangi niureganite na nthitango ino na arekererua na bondi ya mirioni 20 iri vamwe na bail ya mirioni ithano. Maavitha a vorithi nimakoretwe magicaria airi aya makuruvanitue nake na aria matamenyenekanite kuria mari.
Mbica irutitwo online
–Perpetual Mwende-
