Ciira uria wakinyitue ni aria mari aruti wira a Kenya Cooperative Creameries (KCC) niundu wa marivi maria matamukirite na makinyite mirioni 200 niugite na ugaruruku ino ni vuva yaao kwivita kururungana nginyagia thingira wa iriga magicarania na Rais William Ruto gutonyerera undu uyu.
Matongoretwe ni Raphael Akola Nambisia, uria wari munini wa mwenegiti wa aruti wira a KCC, nimatariritie kuvinyiririka kwao, marakara na ururu niundu wa uria thirikari iramatite undu ucio.
Nambisia akiongorera ni Rais tu ungivota kumariva mbeca ciao niundu matikoretwe na umithio vuva ya kuringaringa mirango mingi ya thirikari.
Niuthiute nambere kuuga makiria ma amemba 50 nimakuite kumana na meciria na mirimu ingi makithii nambere kuruira marivi maao kuuma kuri thirikari.
Ciira uyu niwathikirirue na ugitua ni igoti inene varia NeW KCC yavatarite kuriva aruti wira acio.
Wauguo, New KCC niyakinyire ciira igotiri ria gucokia ciira riko rungu rwa Civil Appeal No. 191 of 2018 niundu wa itua riri riavecanirue ni igoti inene.
Thiini wa itua riao, njanji athatu tariki 10 mweri wa mugwanja mwaka wa 2020 nimathanire New KCC Limited ndiavatii kuriva mbeca icio.
Mbica irutitwo online
–Perpetual Mwende-
