Gicunji kia ene nvunda kuuma gicigo kia Mt Elgon nimauritie nvonge cia ugitiri kumatia ugitiri niundu eki naai nimakoretwe makimurika indo ciao cia nthakame niguo guciiya, maithinje na kwendia kavinda gaka twerekerete mambura ma thiguku.
Wana thengia ya mwingi gukorwa makivewa mukana wa kwendia nyama cia nvunda magitua ni cia ng’ombe, eki naai matiethemete na mtugo uyu guku ekari makithii nambere gutara hathara.
Judy Chebet, uria ni mwikairi wa gicigo giki niugite nvunda ni cia vata muno ukuiri niundu niimatethagia gukua murigo kundu kuraca nwati riu maina wagagu niundu wa mtugo ucio wa kuura gwa nvunda uria wambiriritie na ukoragwa wikuo muno kavinda ga mambura ma thiguku.
Niuritie thirikari ya kaunti gutonyerera na gwikia ngono aria makoretwe makiya nvunda ino na kuithinja.
Woni unyititwe mbaru ni Malton Tutei, uria ugite magicaga uvoco waao kuvitukira nvunda ino na nimavatii gutethererua kuigitira.
Mwenari wake Nancy Chepkurui, uria ni mwikari wingi niugite makarurungana kuregana na wiki naai uyu guku makiongorera makagoma kuria nyama niguo gutigakorwe na thoko ya nyama cia nvunda.
Mbica irutitwo online
–Kaari wa Mugendi-
