Aikari a mwena wa Kagwa gicigo mbunge kia Rarieda nimatigitwo na kimako thutha wa muthuri wa miaka 52 kugua na mucikiri na gute muoyo wake.
Mundurume ucio na uria akuranitwo ta Sylvester Onyango Okadho, arathiite kwirorera ngucanio ya mubira cukuruini wa muthingi wa Kagwa,na riria araumaga mwena ucio nibo gicanjama giki kireumiririe.
Ndeto makiria irauga Okadho arakuite kamwana kanini na mucikiri wake na thutha wa gukuana kwa ibinda ria mita 30, nibo mucikiri wake urateire mwerekera aragua na gukua baubau.
Agikira mukonde ndeto ino,cibu wa location ya Uyoma ya ithuiro Samuel Gwege, augite mwanake uria urakuitwo niarabotire kwithara na kumenyithia muingi.
Mwiri wa mutigairi niutwaritwo nyumbaini ya kuiga miiri ya thibitari ya Madiani, ugietererio gutabanirio uthuthuria makiria guku uthuthuria ukithiaga na mbere.
Mbica irutitwo online
–Muriithi Amos-
