Njanji munene Martha Koome niwivitite kuthii na mbere gutungata giturwaini giki wana thengia ya gukorwa kwina mendekithia make gutiga wira kurumirira wagi wa wigiririki ruvongeri rwa ucirithania na ruria nike urungamiririte.
Akiaria vindi ya mambura ma gukarivithia murugamiriri muceru wa komiconi ya kuvurana na ungumania guku vururiri Abdi Mohamoud niugite niukuthii kuvecana utungata wake kuringana na kandarathi iria ari nayo.
Wauguo niwiranirite wirutiri wake wa kuthii na mbere kutheria ruvonge ruru rwa ucirithania.
Mama maukite wariri gukoretwe kwiina mucukumo munene wa Koome gutiga wira kumana na mawikiri ari vamwe na wakiri wii gatu Ahmed Nassir Abdullahi na uria wari rais wa kiama kia mawakiri guku vururiri, Nelson Havi.
Havi niutumite riendekithia ria gutiga wira kwa Koome, munini wake Philomena Mwilu, manjanji Mohammed Ibrahim, Smokin Wanjala, Njoki Ndung’u, Isaac Lenaola na William Ouko akimakuruvania na wagi wa wigiririki.
Ndagitari David Oginde uria nike mwenegiti wa EACC niugite nimekite uthurimi waao wa ruvonge ruru na makivecana rivoti kuri njanji munene.
Mbica irutitwo online
–Kaari wa Mugendi-
